 |
РОДНЫЯ ВОБРАЗЫ
|
|
Вобразы мілыя роднага краю,
Смутак і радасьць мая!..
Якуб Колас
|
|
|
|
|
|
|
|
|
|
Ад сумятні ўцякло мястэчка,
Спакой дрымотны навакол.
Сьніць дні мінулыя над рэчкай
Напаўразбураны касьцёл.
Высока на сьцяне бярозка
З чырвонай цэглы прарасла.
Над цьвінтаром, травой зарослым,
Павольна кружыцца пчала.
Ды ёсьць прыкметы ратаваньня:
Брусы, гарбыль ляжаць радком.
Аблепяць соты рыштаваньняў
І гэты стромкі Божы Дом.
Ён ажыве сьвятой патрэбай,
Каб людзі да надзей ішлі,
Каб тое ім дарыла неба,
Што не знайшлося на зямлі.
І я цяжар сьляпой сваволі
Балючым роздумам крышу...
Яна не позьніцца ніколі –
Пара рамантаваць душу.
|
|
|
|
Падабаецца
Не падабаецца
|
|
|
2009–2020. Беларусь, Менск.
|
|
|
